অসমৰ ভেষজ উদ্ভিদ আৰু ইয়াৰ পৰম্পৰাগত ব্যৱহাৰ

তুলসী ( Ocimum sanctum ), যাক সাধাৰণতে পবিত্ৰ তুলসী বা “Holly Basil” বুলিও জনা যায় , আয়ুৰ্বেদিক আৰু চিদ্ধ চিকিৎসা পদ্ধতিত তিনি হাজাৰ বছৰতকৈও অধিক সময় ধৰি ব্যৱহাৰ হৈ আহিছে। ইয়াক প্ৰায়ে “জীৱনৰ অমৃত” বা “ভেষজৰ ৰাণী” বুলি অভিহিত কৰা হয়। তুলসীৰ সাধাৰণ ব্যৱহাৰ যেনে সৰ্দি-কাহ , জ্বৰ , হজমৰ সমস্যা , আৰু মানসিক চাপ নিয়ন্ত্ৰণৰ বাবে সুপৰিচিত। কিন্তু ইয়াৰ কিছুমান দুৰ্লভ আৰু কম পৰিচিত ব্যৱহাৰ আছে , যিবোৰ বিভিন্ন গৱেষণা আৰু প্ৰকাশিত প্ৰবন্ধত উল্লেখ কৰা হৈছে। তলত তুলসীৰ এনে কিছুমান দুৰ্লভ ব্যৱহাৰৰ বিষয়ে বিশদ তথ্য আৰু তথ্যসূত্ৰৰ সৈতে আলোচনা কৰা হ’ল।   তুলসীৰ দুৰ্লভ ব্যৱহাৰ: 1.   ৰেডিঅ’প্ৰটেক্টিভ প্ৰভাৱ ( Radioprotective Effects): তুলসীৰ পাতৰ ৰসে ( নিষ্কাষণে ; Extraction) বিকিৰণৰ ক্ষতিকাৰক প্ৰভাৱৰ পৰা সুৰক্ষা প্ৰদান কৰিব পাৰে। গৱেষণাত দেখা গৈছে যে তুলসীৰ এন্টি-অক্সিডেন্ট গুণৰ বাবে ই ডি এন এ ক্ষতি আৰু অক্সিডেটিভ মানসিক চাপৰ পৰা কোষক সুৰক্ষিত কৰে। উদাহৰণস্বৰূপে , এটা প্ৰকাশিত গৱেষণাত উল্লেখ কৰা হৈছে যে তুলসীৰ নিষ্কাষণে প্ৰাণীৰ ওপৰত বিকিৰণৰ প্ৰভাৱ হ্ৰাস কৰিছিল। 2.   নিউৰ’...